Maitane, Andrea eta Nerea Gurenan

 Gu Maitane Seoane, Andrea Pellitero eta Nerea Maidagan gara. Hurrengoko albistea erresidentzian egin dogun lanari  buruz doa. Zenbait egunez joan ginan, egun bakoitzean bertan hiru ordu igaroz.

Joan ginan lehenengo eguna Gabon zahar gauean, abenduak 31,  izan zan. Hara heldu ginanean, Gabon zaharra zanez, polboroiez eta bainila-izozkiz betetako hainbat erretilu prestatu behar izan genduzan. Ondoren, bertako egoiliarrak goiko solairura eroan genduzan. Goiko solairuan, egongela handi bat egoan esarleku askogaz eta banan banan euren senitartekoekin jesartzen lagundu geuntsen. Gainera, gizon bat etorri zan euren garaietako musika jotzen ebana, eta horrek asko animatu eutsen. Ordu eta erdiz danok dantzan eta abestiez gozatzen ibili ginan. Honegaz batera kotilioi poltsak, edariak eta aurretiaz egindako erretiluak banatu genduzan. Festa amaitu eta laster bertako  egoiliar bakoitza euren geletara eraman genduan eta bakoitza geure gauzak batuz etxera joan ginan.

 2013ko urtarrilaren 3. egunean Nerea Gurenara bueltatu zan. Lehenik eta behin hirugarren solairuko pertsonakaz goizeroko luzapen batzuk egin ebazan. Nahiz eta guztiek ez egin, gehienak saiatu egin ziran. Nerea, Olatz Etxebarriarekin solairu horretan gelditu zan eta bertan, bertakoekaz, buruari ekiteko zenbait ariketa egiten lagundu eutsien. Ariketak amaitzerakoan, honeek batu eta artxibatu egin ebezan. Azkenik, jaten ebilzan bitartean, hurrengo asterako menua aukeratzen lagundu eutsen, pertsona bakoitzaren jan ezinak kontutan hartuta.  
               
Egun horretako arratsaldean, Maitane eta  Nerea joan ziran. Lehenengo eta behin, gizonezkoen errege magoen opariak prestatu ebezan. Ondoren, “Pasapalabra” jokuaren uztaiak antolatu ebezan, bat solairu bakoitzarentzako. Lehengo solairuan bi talde egin ebezan, bigarren solairuan, ostera, bat bakarrik. Horrela euren buruko alderdi guztiak landuz, arratsaldea modu dibertigarrian igaro eben. Irabazleei eta partaide guztiei opari bat eman eutsen, zeinek ilusio asko eragin eutsen.

Urtarrilaren 4ko arratsaldean, Andrea eta Nerea joan ziran. Gabonetan erresidentziara joateko  azken eguna zan, baina hala ere ekintza berezi bat egin eben gabonei behar bezalako amaiera emateko. Heltzerakoan, askaltzen egozan eta euren laguntza eskaini eutsien, adibidez ahozapiak jartzen edota esnea eta kafea zerbitzatzen. Amaitu bezain laster,bingora jolasteko kartoiak prestatu ebezan. Gero egoiliarrak egongelara eroan ebezan eta bertan jolasteko prestau ebezan. Andrea lehenengo solairuan Asier Fanorekin egoan. Andreak bingoko zenbakiak altuan abesten egoan eta bitartean, bere kidea egoiliarrei laguntzen egoan. Goiko solairuan antzeko gauza bat gertatzen ari zan. Hor Nerea eta  bere kide Jon Olano egozan, eta honeek ere bingora jolasten ebilzan. Bi solairuetako bingoak amaitu eta laster, sari banaketarekin hasi ziran eta egongela aurpegi alaiz bete zan. Banatu bezain pronto, ordua zanez, etxera bueltau behar izan ziran.

Egun honeek erresidentzian igaro eta gero errealitatezko bizitza hobeto ulertzen dogu eta ez hain berekoiak izaten ikasi dogu. Bertan egoteak begiak zabaldu deuskuz eta daukaguna gehiago balioesten lagundu deusku. Harritzekoa iruditu jaku bertako askoren osasuna txarto egon arren oso pozik dagozala eta jarrera nahiko baikorra daukiela, gitxienez gehienek. Asko gustatu jaku esperientzia hau eta laster bueltatzea espero dogu, beraz irakurle guztioi ekintza honetan parte hartzea gomendatzen duetsuegu.