Monitoretza 3

Pasadan asteburuan La Arboledako aterpera bueltatu ginan, urtarrilak 26 eta urtarrilak 27. Guztion ustez, monitoritzan izan dogun astebururik gustokoena izan da.

Hasteko, gure taldea bakarrik egoan aterpean, Begoñazpi taldea eta ondorioz lasaiago eta askatasun gehiagorekin ibili ginan asteburu osoan zehar. Bigarrenez, jada, beste Ikastola batzuetako pertsonak hobeto ezagutzen genduzan eta gure artean dagoan harremana asko hobetu da. Hirugarrenez, ikastaro honetan izan dogun irakasletako bat lehenengo ikastaroa eman euskun berdina izan zan. Azkenik, ikastaro hau oso dinamikoa izan da.

Asteburua oso goiz hasi zan, La Arboledan 10etan egon behar baikinan. Lehen esan dodan moduan, ikastaroa oso dinamikoa izan zan, baina zapatu goizean teoria apur bat eman genduan, jolaseekin zerikusia ebanari buruz. Jolasa zer zan definitu genduan, jolas motak, sortu daitekezan arazoak eta parterik garrantzitsuena, monitoreak jolasak pentsatzeko eta umeak motibatzeko izan behar dauzan jarrerak.

Geroago, teoria albo batera utzi eta jolasekin hasi ginan. Goizean, Bartolo  edota aulkien jokua egin genduan. Arratsaldean, eguraldia hoberantz joiala ikusirik, aterpeko jolasketara irten ginan beste joku batzuk egitera, besteak beste, zapi  kooperatiboa eta lurrikararen jolasa. Konturatu gabe, afalordua heldu zan eta batzuk mahaia prestatzera joan ginan.

Gaubelean, antzerki bat egin genduan, Zirko Zoroa deitua. Bertan, zirko berezi baten ikuskizunaz gozatzeko aukera izan genduan.

Hurrengo egunean, falta jakun teoria zati bat eman ondoren, ikastaroa amaitutzat eman genduan.

Asteburu osoan zehar hiltzailearen jolasera jolasten ibili gara, eta esan beharra dago jendeak hiltzeko era bitxiak dauzala.

 

Alain C, Eider P, Iratzeder K, Oihane L, Miren O eta Uxue U