Monitore ikastaroaren azken asteburua

Martxoak 23ko asteburua, La Arboledan igaro genduan, kurtso honetako gure azken asteburua La Arboledako aterpean. Zapatu goizean heldu ginan, eta monitoreak aurkezpen txiki bat egin eta gero, arropa erosoa eta mendiko botak ipini 10.30 aldera mendirantz abiatu ginan.

Mendian, goiz osoa eman genduan, La Arboledako inguruak hobeto ezagutuz eta izugarrizko paisaiak ikusiz. Aterpera bueltatu ginanean, mahaia ipini eta jaten hasi ginan. Jan eta gero, denbora librea euki ostean, fitxa batzuk egin genduzan eta monitoreak eurei gertatutako egoera batzuk kontatu euskuezan eta mendien arriskuak azaldu euskuezan. Geroago, mendira eramatea derrigorrezkoak edo komenigarriak  diran gauzak esan euskuezan eta kanpin-denda bat zelan eraiki azaldu euskuen.

Afaldu baino lehen joko pare bat egin genduzan eta denbora on bat igaro genduan, eta afaldu ostean, gaubela egin genduan. Gaubelean txantxa batzuk egin eta azaldu  euskuezan eta gaua oso barregarria izan zan.

Domeka goizean, orientazio joko bat egin genduan, non iparorratz batez baliatuz, mapan markatutako leku batzuk bilatu behar genduzan eta hara heltzean argazkiak atera.

Ikastaro hau asko gustatu izan jaku ez dalako teoria askorik egon eta egin dogun  ia guztia praktika eta joku desberdinak egitea izan da.

Iratzeder, Miren, Eider, Oihane, Uxue eta Alain