Ss@le eta gabonetako topaketa

Ss@le

Urtean zehar ikastolaz kanpo egin behar ditugun orduak, urtero moduan, hainbat ekintzen bidez beteko ditugu aurten. Normalean, udan auzolandegiak egiten ditugu, eta gabonetan zein data berezietan ere boluntaritzan aritzen gara, adibidez bidezko merkataritza egiten. Momentuz, bi topaketa egin ditugu. Lehenengoa, azaroaren hasieran izan zen Valentzian. “Ss@le” izena duen topaketa honek, hainbat hiri ezberdinetako gazteak biltzen ditu, egun batzuk elkarrekin igaro, elkarbizi eta esperientzia ezberdinak elkarbanatzeko. Honen helburua, beste gazte boluntario batzuekin egoteaz gain, urtero gai ezberdin baten inguruan sakontzea da.  Aurtengoaren helburua bizitza modu alaiago batean bizitzea izan da, egunero entzuten ditugun berri txarrak alde batera utziz, eta ditugun gauza onak nabarmentzen saiatuz. Benetan esperientzia polita izan da, eta espero dugu datorren urtean ere errepikatzea.

Bigarren topaketa, gabonetan izan dugu, Madrilen. Hemen berriro ere, normalean gurekin auzolandegiak egiten dituen taldeko guztiekin elkartu gara konbibentzia batzuetan. Elkarrekin egun batzuk igaro eta gabonaren zentzua ulertuz, egun horiek modu berezi batean bizitzeko. Oso egun dibertigarriak izan ziren ere, nahiz eta Madrilen hotz izugarria egin.

Horrelako ekintzak denbora luzez egiten jarraitzea espero dugu, guztietan esperientzia politak bizitzeaz eta jende berria ezagutzeaz gain, gauza pilo ikasten ditugulako.

Maitane Sobrino Alonso