Lorea Gurenan

Pasaden oporretan, Gabonak zirela, Txurdinagako Gurena egoitzara joan nintzen beste hiru ikaskideekin. Egun bakar bat joan banaiz ere, hainbat gauza ikasi ditut. Heldu ginean Marta egoitza nola funtzionatzen zuen gainetik azaldu zigun, gainera kasu espezifiko batzuk erakutsi zizkiguten. Kasu horiek erakustean ikusi genuen nola aitona edo amona bat kanpotik ondo zeudela ziruditen, eta gero marrazki bat egiterakoan ez zekitela kopiatzen. Nahiko bitxia iruditu zitzaidan.

Asteazken bat joan nintzenez, Bingo eguna zela esan ziguten. Bi pisu zeudenez Olatz eta Eneko lehenengo pisuan geratu ziren, eta Araitz eta nik bigarren pisura joan ginen. Arratsalde osoan bingora jolasten egon ginen, nahiko dibertigarria izan zen. Bi bingo egitera denbora eman zigun. Olatz eta Enekok berriz, 3 bingo egin zituzten. Hasieran, bigarren pisua nola zen azaldu ziguten, hau da, bi pisutan banatuta zeuden bigarren pisuan zeuden aitona-amonak ez zeukaten lehenengo pisuko aitona-amonen jarrera berdina, orduan pazientzia nahikoa eduki behar genuela esan ziguten. Oso ondo pasatu nuen, eta itzultzeko gogoak dauzkat.

Lehen esan dudan moduan, hainbat gauza ikasi ditut. Arreta handia sortu zidana adibidez, egoitzan lan egiten zuten guztiak, Gabonak haien familietatik hurbil ez egotea ez zitzaiela inporta, hau da, aitona-amonak bakarrik ez egotea horrelako datetan haien helburu nagusienetako bat dela uste dut. Horrelako jendea haien lanerako bizitzen da, gainera egun txar bat izan arren, aitona-amona askok egunak alaitzen dituzte, batzuk gutxi hitz egiten dute, baina beste batzuk aldiz, oso alaiak dira, eta haiekin aspertzea nahiko zaia da.

Amaitzeko, esperientzia onekin asko ikasiko dudala uste dut, gainera goizaren bat joatea gustatuko litzaidake, goizean hainbat aktibitate egiten zituztela eta oso dibertigarriak zirela esan zigutelako.

 

                                                                                       Lorea Carbajo