Monitoritza 2

Lehengo asteburua La Arboledako aterpean igaro ondoren, 3 asteburu eman doguz Begoñazpi Ikastolan ikastaroak ematen. Lehengoa azaroak 30, bigarrena abenduak 21 eta azkenengoa urtarrilak 11.

Argi dago, Ikastolan eman behar doguzan ikastaroak aterpekoak baino teorikoagoak dirala, baina orain arte ondo eraman izan dogu. Ez doguna hain ondo eraman, ordutegia izan da. Barikuetan 3 ordu ikastaroa ematen egon eta gero, zapatuan goizeko 9etan Ikastolan bueltan gengozan ,berriz ikastaroa jarraitzeko eta hau gu oso goiz esnatzea suposatzen eban.

Ikastolan emandako ikastaroetan hainbat gai desberdin landu doguz:

Lehengoan Herri Nortasuna landu genduan. Ikastaroa hasi baino lehen, irakasleak ikastaro hau, ikastarorik teorikoena eta aspergarriena izango zala ohartarazi euskun. Ikastaro honetan gure herria hobeto ezagutu genduan. Bertan Euskal Herriko hizkuntza, kultura eta historia landu genduan.  Ikastaro amaieran aurkezpen batzuk egin genduzan. Guri, Euskal mitologia eta Euskal abeltzaintza, nekazaritza, basogintza eta arrantza lantzea eta aurkeztea egokitu jakun.

Bigarren ikastaroan, Aisialdiko Heziketa 2 landu genduan. Aldi honetan, sortu daitekezan gatazketaz hitz egin genduan. Gatazkak sortzearen zergaitiak eta iturburuak, gatazken tipología, ondorioak, konpontzeko irtenbideak eta gatazkaren garapena landu genduan. Amaitzeko, psikologiari buruz sarrera bat egin genduan eta irakasleak psikologiari buruzko gauza basikoak azaldu euskuzan.

Hirugarren asteburuan, Balioen Hezkuntza lantzen ibili ginan. Lehendabizi , balio bat zer dan definitu genduan eta ondoren balio adibide batzuk esan genduzan. Geroago, irakasleak egoera batzuk esan ebazan eta guk ados, ez ados edo zalantzan ipini behar ginan eta geroago zure iritzia eman beste guztiak konbentzitzeko. Ikastaro honetan, taldeko lana garrantzi handia izan eban eta amaitzeko, zapatu arratsaldean “La flor del desierto” filmea ikusi genduan.

Eider Pilar, Uxue Usaola, Oihane Lopez, Miren Orrantia, Iratzeder Kuartango eta Alain Capanaga gara