Monitoritzaren mundutik

Gure bidaia monitoritzaren munduan 2012ko azaroaren 17an hasi zan. Zapatu horretan, guztiak goiz altxatu ginan ohetik ,  La Arboldean hamarretan egon behar baikinan eta asteburua hantxe pasatuko genduan.

Logela aukeratu eta maleta desegin ostean, jantokira jaitsi ginan Monitoritza Ikastaroa hasteko. Bakoitza bere burua aurkeztu eban, bakoitzaren izena, adina, eta zein ikastetxetan ikasten eban esanez. Aurkezpenak amaitu eta  gero, izenak ikasteko baliagarriak diran jokuak irakatsi euskuezan eta teoria ematen hasi ginan: monitorea izatea zer da, hezkuntza formala eta ez formala…

Eguerdi aldera, jantokira bueltatu ginan bazkaltzeko ordua hurbil egoan eta mahaia prestatu beharra egoan.  Gure mahaian beste ikastetxe bateko jendea jesarri zan eta hareekin hizketan egon ginan.

Arratsaldean, denbora librea izan ostean, teoriagaz jarraitu genduan, baina aldi honetan, materia era dinamikoago baten eman genduan, adibidez, udaleku baten egon ahal diran monitore motak ezagutzeko, klasea hiru taldetan banandu zan eta bakoitza antzerki baten bitartez monitore mota bat azaldu eban. Gauean, afaria eta gero, gaubelean jokuak egin genduzan eta gaua entretenituta igaro genduan.

Hurrengo goizean, teoriarekin amaitu eta asteburuaren errepaso bat egin ondoren, ordu batak aldera, La Arboledako aterpetik irten egin ginan.  Oso baliagarria iruditu jakuzan, monitoreak, berak udalekuetan bizitako esperientziak.

Egileak: Iratzeder Kuartango, Oihane Lopez, Uxue Usaola, Miren Orrantia, Eider Pilar eta Alain Capanaga